Doctor Sam
Age: 124
Total Posts: 19257
Points: 0
Location:
Pakistan, Pakistan
Ajnabi shehr k ajnabi raastay
Meri tanhai per Muskuratay rahay
Main bohat dair tak yunhi chalta raha
tum bohat dair tak yaad aatay rahay
zehr milta raha zehr peetay rahay
roz martay rahay roz jeetay rahay
zindagi bhi humain aazmaati rahi
aor hum bhi isay aazmaatay rahay
zakhm jab bhi koi zehn-o-dil per laga
zindagi ki taraf ik dareecha khula
hum bhi goya kisi saaz k taar hain
chot khatay rahay gungunatay rahay
kal kuch aisa hua, main bohat thakk gya
isliye sun k bhi un-suni kar gya
kitni yaadon k bhatkay huye kaarvaan
dil k zakhmon k dur khatkhataatay rahay
Ajnabi shehr k ajnabi raastay
Meri tanhai per Muskuratay rahay
Main bohat dair tak yunhi chalta raha
tum bohat dair tak yaad aatay rahay