nice_roni:

Na Tujhay Chor Saktay Hain,Teray Ho Bhi Nahi Saktay
Yeh kaisi Be-Basi Hay Aaj Hum Ro Bhi Nahi Saktay

Yeh Kaisa Dard Hay Pal Pal Humay Tarpaye Rakhta Hay
Tumhari Yaad Aati Hay To Phir So Bhi Nahi Saktay


Chupa Saktay Hain Aur Na Hum Dikha Saktay Hain Logon Ko
Kuch Aisay Daagh Hain Dil Par Jo Hum Dho Bhi Nahi Saktay

Kaha Tha Chor Dengay Yeh Nagar Phir Ruk Gaye Lekin
Tumhay Pa To Nahi Saktay Magar Kho Bhi Nahi Saktay

Hamara Aik Hona Bhi Mumkin Nahi Raha Ab To
Jeeyen Kese Ke Tum Se Door Ab Ho Bhi Nahi Saktay..!!