Shama say khoon chalakany laga parwanay ka
akhri baab hai shayad yehi afsanay ka

rabt qayam hi raha ishq kay afsanay ka
shama nay bujh kay bharam rakh lia parwanay ka

ek goshay main zamanay ko liyay betha hooon
tum bhi dekho kabhi alam meray veeranay ka.

woh meray haal per takleef-e-tabassum to karein
khud hi mafhoom badal jayega afsanay ka.

                ROHAIL

ek sholay main haqeeqat bhi hai afsana bhi
shama kay raaz ko samjha nahin parwana bhi


agayay ishq main andaz-e-hareefana bhi
ab unhein dekh kay hasnay laga deewana bhi

itna bezar na ho apnay shikasta dil say
kaam ajata hai toota hua paimana bhi


aap jab tak nigah-e-naz ko zehmat deingay
khatum hojayay ga jab tak mera afsana bhi

                  ROHAIL

aser hai kuch unpay bhi dard kay fasanay ka

badalta jata hai andaz muskuranay ka



kahan hum or kahan tark arzoo aey dost

yeh ek bahana tha teray qareeb anay ka

chala hoon inki taraf shoq-o-arzoo lay kar

phir ehtamam kia hai shikast khanay ka

wafa kay naam ko jitna bhi humnay aam kia

mizaj or bigarta gaya zamanay ka

bus ab fareb-e-tasalli na dey mujhy sayyad

meri nazar main hai anjam aashiyanay ka

jo zindagi hai usay zindagi banana hai

qafas main beth kar kya zikar aashiyanay ka

nigah-e-naz ka mamnoon kyon na hoon main Qamar

shaoor agaya mujh ko fareb khanay ka

                ROHAIL