~HAASIL-E-ZINDAGI~

Khuda ne ajab khail khela meri zindagi ke saath

Khushian bhi din tau dukh ke lifaafey ke saath







Kam umri mein pidar ke saaya utahney ke baad

Bachpan ka piyaar bhi leliya aajzi ke saath







Kam sini ko badal diya meri zimmedari ke bojh ne

Akela chore diya mujhe zamaney ki bebasi ke saath







Maa ki shafqat ne parwaan tau charha diya

Ab jeeta hon sirf mein maa ki dua ke saath







Sirf aik gunaah sar zad huwa mayoosi ke aalam mein

Phir tau muqaddar mera likh gaya tanhayon ke saath







Aiesey mein khuloos sey dil par dastak si huwee

Yak damm usey chah liya rooh ki gehrayee ke saath







Dosti ki thi khuloos se aur nibahyee bhi hai

Dosti piyaar mein badal gayee aahistagi ke saath







Aik maqaam per aakar dhoondha kartey they dono

Piyaar ki kashish layee thi dono ko aik saath







Chuppa tha piyaar dono ka tau buhat behter tha

Ayaan huwa piyaar tau wo bhi dono ka aik saath







Haath us ne barhaya bharpoor piyaar ke saath

Sashdarr mein rehgaya apni badkismati ke saath







Na miley hotey tau acha tha ye hai unka sawaal

Hont see liyee mein ne apna aap maarney ke saath







Ab tau dosti ki taab bhi nahin hum mein

Piyaar ne guma diya dost ko piyaar ke saath







Kahin mazhab, zubaan ya nasal ka farq hota hai

Yahan tau apnon ne hi khodiya apnon ka saath







Kis karb se usey roka apney paas aaney se

Dair tak rota raha namm aankhon ke saath







Mein zarra hon aur ki khuwahish mahtaab ki

Wo bhi kainaat ke tamam taron ke saath







Be wafayee ki hai us se dil bhi tora hai mein ne

Har chota azaab miley har barey azaab ke sath







Bina dekhey bina jaaney aiesa piyaar kiya hai

Amar banadonga piyaar ko teri yaadon ke saath







Shikwa nahin taqdeer se apney kiyee ka phall hai

Miley mujhe har baar moti phattey daaman ke saath







Maaf kardena apni jaan ko apney dil se tum

Aarzoo hai mera naam ho teri har dua ke saath







Ab tau ye dua maangta hon har namaz ke baad

Urooj tujh ko miley har raanayee ke saath







Tum bhula kar mujhe aik tareeqh raqam karna

Hamsafar tera behter ho har naye din ke saath







Mein tau chah kar bhi do kadam na chal saka terey

Naya hum safar miley tujhe buhat piyaar ke saath







Banaoonga khud ko wesa jaiesa tu ne chaha hai

Ye dekhney ke liyee nahin hoga tera mera saath







Kisi ko chah na sakonga ab tujhe chahney ke baad

Aah ka haqq bhi gaya tujhe kho deney ke saath







Shayad hi dekh paoo mujhe tum khabhi

Likh na sakonga ab us piyaar ke saath







Rohail aukaat apni bhool gaya piyaar ke baad

Sehrey ka phool mangta hai janazey ke saath





                      Rohail