Jo tum ne Thaan hi li hey
humaray dil se niklo gay
to itna jaan lo pyaray
wafa ki seerdhiyon pe har qadam phela hua
aarzuon ka lahu zaeya na jaye ga
samandur samnay hoga agar sahel se niklo gay
Sitaray jin ki aankhon ne humain ik sath dekha tha
gawahi dene aaien gay
puranay kaghazon ki balcony se bohat say lafz jhankain gay
tumhain wapis bulaien gay
kai waaday, fasadi qarz khwahon ki tarah rastay main rokain gay
Tumhain daman se pakrain gay
Tumhari jaan khaien gay
Chupa kar kis tarah chehra
bhari mehfil se niklo gay
Zara phir soch lo JanaaN
nikal to jao gay shayad
Magar
Mushkil se niklo gay
Amjad Islam Amjad
