sab kehty hain
kese gharoor ki bat hui ha
main apni haryali ko apnay lahoo se seench rahi hoon
mere saray paton ki shadaabi
meri apni naik kamai hai
mere aik shagoofay par bhi
kisi hawa or kisi barish ka baal barabar qarz nahin hai
main jab chahoon khil sakti hoon
mera sara roop meri apni daryaft hai
main ab har mosam se sir uncha kar k mil sakti hoon
aik tanawar paiR hoon ab main
or apni zarkhaiz namoo k saray imkaanat ko bhi pehchan rahi hoon
lekin meray andar ki ye bahut purani bail
kabhi kabhi-----jab taiz hawa ho
kisi bahut mazbut shajar k tan se lipatna chahti hai!
rootay nahi
