This wonderful poem made my EID DAY....

Ajab din thay Mohabbat ke
Ajab din thay, Rafaaqat ke..

Kabhi gar Yaad Aa jaein

Tou Palkon par Sitarey jhilmilatey hain

Kissi ki yaad mein Raaton ko aksar ...

Jaagtey rehna

Mamool tha Apna

Kabhi gar Neend Aa Jaati...

Tou Hum yeh soch letey thay

Abhi tou Woh Humarey waastey...

Roya nahin hoga

Abhi Soya nahin hoga

Abhi Hum bhi nahin sotey

Subah tak jaagtey thay aur Uss ko yaad kartey thay

Tanhaai mein Veeraan Dil Aabaad kartey thay

Humarey saamney Taaron ke jhhurmat mein

Akela Chaand hota tha

Jo Uss ke Husn ke Aagey ...

Buhut hi Maand hota tha

Falak par Raqs kartey Unn sabhi Roshan Sitaron ko

Yoon Hum tarteeb detey thay

Ke Uss ka naam banta tha

Hum agley roz jab miltey

Tou guzri raat ki har Be-kali ka Ziker kartey thay

Har Ek Qissa sunatey thay

Kahan kab kiss jagah Kiyonkar

Yeh Dil dharka tha, bataatey thay

Mein jab kehta tha ke "Jaana'n raat Mein aik pal nahin soya

Tou woh Khamosh rehti thi

Yeh Uss ki neend mein doobi hui Do jheel si Aankhein

Achanak bol parti theen

Mein jab kehta...

"Mein ne Kal shab Sitaaron mein..

Tumhara naam dekha tha

Tou woh kehti...

"Razi, Tum jhhoot kehtey ho

Sitaarey Mein ne dekhey thay

Aur Unn roshan sitaaron mein

Tumhara naam likha tha

Ajab Masoom larki thi

Woh kehti thi

Lagta hai ke ab Apna sitaarey...

Mil hi jaaein gey

Magar Uss ko khabar kiya thi...

Kinaarey mil nahin saktey

Mohabbat ki tarah

Mohabbat karney walon ke...

Sitaarey mil nahin saktey!