kal ajeeb

Kal ajab saanyha sa hoa rait par
Naam taira nahin likh saka rait par
Kis ki awaaz say thum gay hain kadam
Phir say kis nay mujhay di sada rait par
Us ki ankhoon say sholay nikaltay rahay
Nachtee reh gaee kal ghata rait par
Tu nay jo bhi hawa say kaha reh gya
Mitt gya main nay jo bhi likha rait par
Main tumhain choomna chahta hoon abhi
Us nay mujh say ik din kaha rait par
Ab yeh sehra hi tere muqadar main hain
Tu nay mangi hi kion thi dua rait par
Aik shola utha us jaga say
Maira ansoo jahan gir gya rait par