hamaare daramiyaa aisaa ko_ii rishtaa nahii thaa
tere shaano pe ko_ii chhat nahii thii
mere zimme ko_ii aa.Ngan nahii thaa
ko_ii vaadaa terii zanjiir-e-paa banane nahii paayaa
kisii iqaraar ne merii kalaa_ii ko nahii thaamaa
havaa-e-dasht kii maanind
tuu aazaad thaa
raaste terii marzii ke tabe the
mujhe bhii apanii tanhaa_ii pe
dekhaa jaaye to
puuraa tasarruf thaa
magar jab aaj tuu ne
raastaa badalaa
to kuchh aisaa lagaa mujh ko
ke jaise tuu ne mujh se bevafaa_ii kii
dedicated to U
