sun_shine
Age: 124
Total Posts: 13494
Points: 0
Location:
Afghanistan, Afghanistan
Jab Tu Peda Huya Kitna Majboor Tha
Yeh Jahan Teri Soch Se Bhi Door Tha
Hath Paoun Bhi Tab Tere Apne Na They
Teri Ankhoun Mein Dunya Ke Sapne Na They
Tujh Ko Sirf Rona Hi Tha Aata
Doodh Pe Ke Kaam Tera Sona Hi Tha
Tujh Ko Chalna Sikhaya Tha Maa Ne Teri
Tujh Ko Dil Mein Basaya Tha Maa Ne Teri
Maa Ke Saye Mein Tu Chalne Laga
Waqt Ke Sath Qad Tera Barhne Laga
Ahista Ahista Tu Jawan Ho Gaya
Tujh Pe Sara Jahan Maharban Ho Gaya
Zor Pe Tu Baat Karne Laga
Khud Hi Sajne Laga Khud Hi Sanwarne Laga
Ek Din Ek Haseena Tujhe Bha Gayi
Ban Ke Dulhan Wo Tere Ghar Aagayi
Apne Farz Se Tu Door Hone Laga
Beej Nafrat Ka Khud Hi Tu Bone Laga
Phir Tu Maa Baap Ko Bhi Bhulane Laga
Teer Bato Ke Phir Tu Chalane Laga
Baat Be Baat Un Se Tu Larne Laga
Qayida Ek Naya Tu Phir Parne Laga
Yaad Kar Tujh Se Maa Ne Kaha Ek Din
Ab Humara Guzara Nahi Tere Bin
Sun Ke Yeh Baat Tu Gusse Mein Agaya
Tera Gussa Teri Aqal Ko Kha Gaya
Josh Main Aake Tu Ne Yeh Maa Se Kaha
Mein Tha Khamosh Sub Dekhta Hi Raha
Aaj Kehta Hoon Peecha Mera Chor Do
Jo Hai Rishta Mera Tum Se Wo Tor Do
Jaou Ja Ke Kahin Kam Dhanda Karo
Log Marte Hain Tum Bhi Kahin Ja Maro
Beth Kar Aahein Bharte They Woh Raat Bhar
Unke Aansoo Ka Tujh Par Huya Na Asar
Ek Din Baap Tera Chala Rooth Kar
Kaise Bikhri Thi Phir Teri Maa Toot Kar
Phir Wo Bhi Mout Ko Bulati Rahi
Zindagi Us Ko Har Roz Satati Rahi
Ek Din Mout Ko Bhi Taras Aagaya
Is Ka Rona Bhi Taqdeer Ko Bha Gaya
Ashk Aankhon Mein They Wo Rawana Huyi
Mout Ki Ek Hichki Bahana Hoyi
Ek Sukoon Is Ke Chehre Pe Chane Laga
Phir Tu Mayyat Ko Is Ki Sajane Laga
Muddat Ho Gayi Aaj Burha Hai Tu
Jo Para Bister Pe Bojh Hai Tu
Tere Bache Bhi Ab Tujh Se Darte Nahin
Nafrat Hai Mahabbat Wo Karte Nahin
Dard Mein Tu Pukare O Meri Maa
Tere Dum Se Roshan Tha Dono Jahan
Waqt Chalta Raha Waqt Rukta Nahin
Toot Jata Hai Wo Jo Ke Jhukta Nahin
Ban Ke Ibrat Ka Tu Ab Nishan Reh Gaya
Dhoonde Zor Tera Kahan Reh Gaya
Tu Ehkam-E-Rabbi Bhulata Raha
Apne Maa Baap Ko Tu Satata Raha
Kaat Le Tu Wohi Tu Ne Boya Tha Jo
Tujh Ko Kaise Mille Tu Ne Khoya Tha Jo
Yaad Kar Ke Kiya Ab Tu Rone Laga
Kal Jo Tu Ne Kiya Aaj Hone Laga
Mot Mangi Tune Tujhe Mout Aati Nahin
Maa Ki Soorat Nigahon Se Jati Nahin
Tu Jo Khanse Tu Aulad Dante Tujhe
Tu Hai Nasoor Sukh Kon Bante Tujhe
Mout Aayegi Tujh Ko Magar Waqt Par
Ban Hi Jaye Gi Qabar Teri Waqt Par
Qadar Maa Baap Ki Agar Koyi Jaan Le
Apni Jannat Ko Dunya Mein Pehchan Le
Aur Leta Rahe Woh Baro Ki Dua
Is Ke Dono Jahan Is Ka Gawah Khuda
Yaad Rakhna Tu Sajid Ki Is Baat Ko
Bhool Na Jana Rehmat Ki Barsat Ko
link:http://www.youtube.com/watch?v=TKMy8t2O0N4&feature=rela ted
