sun_shine
Age: 124
Total Posts: 13494
Points: 0
Location:
Afghanistan, Afghanistan
Ham He Mein Thi Na Koi Baat, Yaad Na Tum Ko Aa Sake
Tum Ne Hamein Bhula diya, Ham Na Tumhein Bhula Sake
Tum He Na Sun Sake Agar, Qissa-e-Gham Sunega Kaun
Kis Ki Zuban Khulegi Phir, Ham Na Agar Suna Sake
Hosh Mein Aa Chuke Thay Ham Josh Mein Aa Chuke Thay Ham
Bazm Kaa Rang Daikh Kar Sar Naa Magar Uthaa Sake
Shauq-e-Wisal Hai Yahan, Lab Pe Sawal Hai Yahan
Kis Ki Majaal Hai Yahan, Ham Se Nazar Mila Sake
Raunaq-e-Bazm Ban Gaye Lab Pe Hikayatein Rahi'n
Dil Mein Shikayatein Rahin Lab Na Magar Hila Sake
Aisa Bhi Koi Namaabar Baat Pe Kaan Dhar Sake
Sun Kar Yakin Kar Sake Ja Ke Unhein Suna Sake
Ahl-e-Zaban To Hain Bohat Koi Nahi'n Hai Ahal-e-Dil
Kaun Teri Tarah "Hafeez" Dard Ke Geet Ga Sake