yeh khaloos koi khaloos hai k
dilon main rabt-e-bahem nahi
tumhe aitraf-e-sitam nahi
mujhe aitbar-e-karam nahi
yeh suna tha ishq ko ansuon se
bahut qareeb karabt hai
tu yeh mere ishq ko kia hua
abhi meri ankh to naam nahi
mujhe zeher-e-ishq kabool hai
jo meri wafa ka zaya'n na ho
mujhe apni aan azeez hai
meri jan itni ehem nahi
woh khushi bhi koi khushi hoi
jo rah-e-dast-e sawal ho
yeh jo zindagi ke mizaj hain
mujhe gham ka koi bhi gham nahi
yeh faqt gharoor ki baat hai k
zuban se apni na tum kaho
tumheyn warna iski khalish tu hai
ke tumhari bazm main hum nahi