Kabhi Tum ne yeh bhi Socha

Kabhi Tum ne yeh bhi Socha
Ke Tumharey Dil-girafta
Tumhein Kitna Chahtey Hain ?


Tumhein Zindagi se Barh kar
Jo Aziz hum nay Jana
So, Koi Sabab to Ho ga
Kabhi tum ne yeh bhi Socha


Sar-e-Shaam Muntazir thei
kahee'n Neelmeen Ujaaley
Kahee'n Titliyaan Laboon ki
Kahee'n Phool Jaise Aariz
Kahee'n Qumqamoon si Aankhein


Yeh Jo Chaara Gar hamarey
Koi Saa'aat-e-Rafaaqat
Sar-e-Shaam Maangtey thei
Unhein Kya Khabar k humne?
Tumhein Soanp di Hain Raatein
Tumhein Daan ki hain Aankhein


Kabhi Tum ne yeh bhi Socha
Ke Tumhaarey Dil-Garifta
Paa-e-Baam-o-Dar Akeley
Kisi Shama Sokhta se
Yeh jo kar rahey hain Baatein
Tumhein Kitna Chahtey Hain ?


Tumhein Roz-o-Shab k Dukh mein
Kabhi Bhoolna bhi Chahein
To Kabhii na Bhool Paayein
ke Yeh Ehd-e-Zindegi hai
Jisey Torna bhi Chahein
To Kabhi na Tor na Paayein!!