Bhale dinon ki bat hai,
Bhale si ek shakal thi,
Na ye ke husan-e-taam ho,
Na dekhne main aam si,
Na ye jo wo chale to kekashan si rah guzar lage,
Magar wo sath ho to bhala bhala safar lage,
Na muddaton juda rahe,
Na sath subh-o-sham ho,
Na rishte wafa pe zid,
Na ye ke andaaz aam ho,
Na aesi khush libasean ke sadgi gila kare,
Na itni be takalufi ke aiena haya kare,
Na aashiqui junoon ki ke zindagi azab ho,
Na isqadar kathorpan ke dosti kharab ho,
So ek roz kia hoa,
Wafa pe behes chhir gae,
Main ishq ko amar kahon,
Wo mere zid se chir gae,
Main ishq ka aseer tha,
Wo ishq ko qafas kahe,
Ke umar bhar ke sath ko,
Wo sirf aik hawas kahe,
Main koi painting nahen,
Jo aik frame main rahon,
Wohe jo man ka meet ho,
Usse ke prem main rahon,
Tumhare sooch jo bhi ho,
Main is mizaj ki nahen,
Mujhe wafa se bair hai,
Ye bat aj ki nahen,
Na us ko mujh pe maan tha,
Na mujh ko us pe zom he,
Jo ehad he koi na ho,
To kia gham-e-shikastagi,
So apna apna rasta,
Hansi khushi badal dia,
Wo apni rah pe chal pari,
Main apni rah pe chal dia.
Bhali si ek shakal thi,
Bhali si us ki dosti,
Ab us ke yaad rat din,
Nahen magar kabhi kabhi...!!!
Posted on 12/25/2008 3:33:46 PM
