Ik ik pathar jor ke main ne jo divaar banai haiJhaanku us ke piche to rusvai hi rusvai hai
Yun lagta hai sote jagte auron ka mohtaj hun mainAankhen meri apni hain par un main neend parai hai
Dekh rahe hain sab hairat se neele neele pani ko Puche kaun samandar se tujh main kitni gahrai hai
Sab kahte hain ik jannat utri hai meri dharti parMain dil main sochon shayad kamzor meri binai hai
Baahar sehan main pairroon par kuch jalte bujhte jugnu theHairat hai phir ghar ke andar kis ne aag lagai hai
Aaj hua malum mujhe is shehr ke chand sayanon se Apni raah badalte rahna sab se bari daanai hai
Torr gaye paimaan-e-vafa is daur main kaise kaise log Ye mat soch 'Qateel' k bas ik yaar tera harajai hai