jo maut say garz hai wohi zindagi say hai

lafzon main lakh farq ho matlab tumhi say hai

izhar-e-hosh bhi meri diwangi say hai

nazrein kisi taraf hain ishara kisi say hai

Allah ray unka wada-e-farda ka ehtraam

duniya ko intizaar-e-qayamat abhi say hai

phir muskurao tumko mohabbat ka wasta

azmat meray junoon ki tumhari hasee say hai

aalam-e-rozgaar ko thukra na aey qamar

toqeeer zindagi ki gham-e-zindagi say hai.

                ROHAIL