Hazaron dukh paren sehna,Mohabbat mar nahi sakti
He tum se bas yahi kehna,Mohabbat mar nahi sakti

Tera her baar mere khat ko parhna or ro dena
Mera her baar likh dena,Mohabbat mar nahi sakti

Kiya tha hum ne campus ki nadi pe ek haseen wada
Bhalay hum ko paray marna,Mohabbat mar nahi sakti

Jahan me jab talak panchi chehaktay urtay phirtay hen
He jab tak phool ka khilna,Mohabbat mar nahi sakti

Puraanay ehad ko jab zinda kerne ka khayal aaye
Mujhe bas itna likh dena,Mohabbat mar nahi sakti

Agar hum hasraton ki qabar me hi dafan ho jaen
To kutboon per ye likh dena,Mohabbat mar nahi sakti

Puranay raabton ko phir na'e waaday ki khuahish he
Zara ek baar to kehna,Mohabbat mar nahi sakti....