mere maula ye haseen hath salamt rakhna
aisa lagta hai jo ye hath dua ko uthen
khud farishte chale atey hein zameen ki janib
sonp kar marmaren hathon ki hatheli ko hina
jo bhi manga ho wo chup chap diye jate hon
mere maula ye haseen hath salamt rakhna

in ki khushbo se moatar hai mera sara wajood
inhi hathon mein mere khwab chupe hein maula
ungliyan mujh ko mohabbat mein bhigo deti hein
inhi poron ne mere dard chune maula
is ki rag rag mein mohabbat hi mohabbat rakhna
mere maula ye haseen hath salamat rakhna

inhi hathon ki lakeeron mein muqadar hai mera
ye jo kone mein sitara hai sikander hai mera
khwab se narm khayalon ki tarha nazuk hein
in ke har lams mein mere liye chahat rakhna
mere maula ye haseen hath salamat rakhna