Khush-Haal se tum bhi lagtay ho
yun afsurda to hum bhi nahi
per jannay walay jantay hain
khush tum bhi nahi khush hum bhi nahi
Tum apni khudi k pehray main
aor daam-e-gharoor main jakrday huye
hum apnay zo'am k narghay main
Anaa hath humara pakrday huye
ik muddat se ghaltaan Peechan
tum rabt-o-guraiz k dhaaron main
hum apnay aap se uljhay huye
pachtawon k angaaron main
mehsoor-e-talatum aaj bhi ho
go tum ne kinaaray dhoond liye
toofan se sanbhlay hum bhi nahi
kehne ko saharay dhoond liye
khamosh se tum, Hum mehr-ba-lub
jug beet gaye Tuk baat kiye
suno, Khel adhoora chorrtay hain
bina chaal chalay bina maat kiye
jo bhagtay bhagtay thak jaien
wo saaye ruk b saktay hain
chalo torro qasm iqraar karain
Hum dono jhuk b saktay hain
Khaleel-Ullah Farooqi
dr ji cha gai hain aap guud ji
Thank U..
