<~>~<~>Usay Kehna.....<~>~<~>

Usay kehna
kabhi milnay chala aaye
humaray paaon main jo raasta tha
raastay main paird thay
pairdon pe jitni taaeron ki toliyaan
hum se mila karti thien
ab wo urdtay urdtay thak gai hain
wo ghani shakain jo hum per saaya karti thien
wo sab murjha gai hain
Tum usay kehna
kabhi milnay chala aaye
labon par lafz hain
lafzon main koi daastan,qissa kahani
jo usay aksar sunatay thay
kisay ja kar sunaien gay
bataien gay
k hum mehraab-e-abru main sitaray tanknay walay
dar-e-lab , bosa-e-izhaar ki dastuk se aksar kholnay walay
kabhi bikhri hui zulfon main hum
mehtaab k gajray bana kar bandhnay walay
charaagh aor aaienay k dameyaan
kab se sar-e-sahel kharay mojon ko taktay hain
usay kehna
usay hum yaad kartay hain
usay kehna
hum aa kar khud usay miltay
magar maqtal maqtal badaltay mosamon k khoon main rangeen hain
aor hum
qataar undar qataar aisay bohat se mosamon k dermeyaan
tanha kharday hain
janay kab apna bulawa ho
k hum main aaj bhi
ik umar ki waraftagi aor wehshaton ka raqs jaari hey
wo baazi jo bisaat-e-jaan pe kheli thi
abhi hum ne na jeeti hey na haari hey
usay kehna kabhi milnay chala aaye
k ab ki baar
shayad apni baari hey

Saleem Kousar

Posted on 7/15/2005 5:49:59 PM

ujala hira

nihyat hi aala

Posted on 7/15/2005 6:16:27 PM

ujala hira

aye shama koye jana
hai taze hava mana
lowapni bacha rakhna
raston pe nigah rakhna
asi hi kisi shab mein
aye ga yahan koi
kuchh zakham dikhaney ko
ek toota hoa vada
matti se uthaney ko
pairon pe lahi uske
ankhon mein dhuan hoga
boley ga na kuchh lekin
faryad kunan ho ga
aye shamma koye janan
voh khak basar rahi
voh sokhta pervana
jab ayye yahan usko
mayoos na lautna
ho taze hava kitni
low apni bacha rakhna
raton pe nigah rakhna
rahi ka pata rakhna
is bhaid bhari chup mein
ek phol ne khilna hai
us ne isi shab mein
ek shakhs se milna hai

Posted on 7/15/2005 6:22:40 PM

HiRa....

awwwwwwww sho nice tfs

Posted on 7/15/2005 9:06:24 PM

Doctor Sam

ujala hira:
aye shama koye jana
hai taze hava mana
lowapni bacha rakhna
raston pe nigah rakhna
asi hi kisi shab mein
aye ga yahan koi
kuchh zakham dikhaney ko
ek toota hoa vada
matti se uthaney ko
pairon pe lahi uske
ankhon mein dhuan hoga
boley ga na kuchh lekin
faryad kunan ho ga
aye shamma koye janan
voh khak basar rahi
voh sokhta pervana
jab ayye yahan usko
mayoos na lautna
ho taze hava kitni
low apni bacha rakhna
raton pe nigah rakhna
rahi ka pata rakhna
is bhaid bhari chup mein
ek phol ne khilna hai
us ne isi shab mein
ek shakhs se milna hai