Tum yunn nahin Ja Saktay !!

Kaisay Ja Saktay ho tum
Aisay phair kay Chehra
Aankhonn ko daal kay aankhonn mainn
Apni Majboori Batlao

Ehsaas hay Mujh ko achhi tarah
Jhootay Lafz Kapkapatay hainn Tumharay Hontonn per
Phir bhi ehwaal sunao

Majboori hay zaati kuchh
Ya Fermaberdaari Apnonn ki
Pehlay piyaar ki Nayee Pukaar
Ya Baydeedi hay Aankhonn ki

Kis kay saharay jeeonn mainn Ab
Kis ko pukaroon tumharay Siwa
Tumhari Aasaani ko kiyun ker dekhoonn
Jo Meray Khuwab hainn, Unn ka Kiya ?

Sawal kerti aankhainn hainn
Ilteja nahin inn mainn koi
Day ker jao Jawaab Mujhay
ik aik pal, Her lamha, Saaray Lafz
Her baat ka do Hisaab Mujhay

Werna mainn jaanay na Doon gi
Piyaar kiya hay aur Dil se kiya hay
Aisay tumhainn Tumharay waaday
Her gizz Jhutlaanay na Doon gi

!!! Na Tamamm!!! By Rizwan Ashar

Posted on 11/21/2005 10:31:35 PM