Teray hathon main pighal janay ko ji chahta hai
Aatish-e-shoq main jal janay ko ji chahta hai

Tujh say ik raaz ki sargoshi bhi karna chahoon
Phir wohi raaz nigal janay ko ji chahta hai

Dil yeh chahay keh teray dil main rahoon dil ban kar
Phir ussi dil say nikal janay ko ji chahta hai

Wehshat abaad makanon main nahin ji lagta
Shehar say door nikal janay ko ji chahta hai

Hum say yeh rasm ki zanjeer bhi kab toot saki
Aur dil ki zidd peh bhi machal janay ko ji chahta hai

Ay mohabbat teray anjaam peh ronaa aayaa
Jaanay kion aaj teray naam peh ronaa aayaa

Youn tou her shaam umeedon main guzar jaatiii thee
Aaj kuch baat hai jo shaam peh rona aayaa

Kabhii taqdiir kaa maatam, kabhi dunya ka gilaa
Manzil-e-ishq main her gaam peh ronaa aayaa

Jub howa zikar zamaanay main mohabbat kaa Nadeem
Mujh ko apnay dil-e-naakaam peh rona aayaa

Chaand kay saath kaii dard puraanay niklay
Kitnay gham thay jo teray gham kay bahaanay niklay

Fasl-e-gul aaii phir ik baar aseeraan-e-vafa
Apnay hi khoon kay daryaa main nahaanay niklay

Hijr kii chot ajab sang-shikan hoti hai
Dil kii be-faiz zamiinon say khzaanay niklay

Umar guzrii hai shab-e-taar main aankhain maltay
Kis ufaq say meraa khurshiid na jaanay niklay

Kooy-e-qaatil main chalay jaisay shahiidon ka juloos
Khvaab yoon bheegtii ankhon ko sajaanay niklay

Dil nay ik eent (brick) say tameer kiya taaj mehal
Tuu nay ik baat kahi laakh fasaanay niklay

Dasht-e-tanhayee-e-hijraan main kharra sochtaa hoon
Haaye kya log meraaa saath nibhaanay niklay

Main nay Amjad ussay be-vaastaa dekhaa hi nahin
Woh tou khuhsboo main bhi aahat kay bahaanay niklay

Rukhsat howa tou baat meri maan kar gyaa
Jo kuch bhi uss kay paas thaa mujhay daan kar gyaa

Bichrra kuch iss adaa say keh rut hi badal gayee
Ik shakhs saray shehar ko veeraan kar gyaa

Dil-chasp waqia hai keh kal ik aziiz dost
Apnay mafaad per mujhay qurbaan kar gyaa

Kitni sudher gyee hai judayee main zindagii
Haan woh jafaa say mujh peh tou ihsaan kar gyaa

Khalid main baat baat per kehta thaa jis ko jaan
Woh shakhs aakhrish mujhay be-jaan kar gyaa

1st one is cool
chand wali suni hui hai but very nice

nice collection

Cool collection

Thanks everyone who appreciated me but u didn't follow what I said in my first post,... and now it's useless to say it again. Keep sharing what u have... cheers.