( kabhi Khushboo, kabhi jhoNkaa, kabhi havaa saa lage
judaa hokar bhi tu mujhse juDaa-juDaa saa lage ) -2
kabhi Khushboo, kabhi jhoNkaa, kabhi havaa saa lage

bas yahi sochkar raatoN ko, main nahin sotaa
neend aayee to teraa Khvaab chalaa aayegaa
phir subah jab khulengi aaNkhen meri..
tu bhi subah ko sitaare saa chalaa jaayegaa
aa kar ab teraa jaanaa buraa-buraa saa lage
judaa hokar bhi tu mujhse juDaa-juDaa saa lage
kabhi Khushboo, kabhi jhoNkaa, kabhi havaa saa lage

koi dastak, koi aahaT, koi aavaaz nahin
tu dabe paaNv KhyaaloN mein chalaa aataa hai
baarhaa aisaa bhi mahsoos huaa hai mujhko
aake chupchaap tu pahloo mein baiTh jaataa hai
tu kahin aaj bhi mujh mein zindaa-zindaa saa lage
judaa hokar bhi tu mujhse juDaa-juDaa saa lage
kabhi Khushboo, kabhi jhoNkaa, kabhi havaa saa lage

aaj bhi lams dhaDakte hain mere seene me.n
aaj bhi teri khanakti si sadaa aati hai
aaj bhi jism sulagtaa hai, teri saaNsoN se
aaj bhi rooh mein halchal mere mach jaati hai
dil teri yaad se ab yuN bharaa bharaa saa lage
judaa hokar bhi tu mujhse juDaa-juDaa saa lage
kabhi Khushboo, kabhi jhoNkaa, kabhi havaa saa lage
judaa hokar bhi tu mujhse juDaa-juDaa saa lage
[:(]