wisal o hijar may
ya khuwab se mehrum ankhon may
kisi aidhe rafaqt may
kay tanhai kay jangal may
khiyal haal o had ki roshni kay gehray badal may
chamkti duup may ya phir
kisi be abhar saye may
kahin barish may bighay jism o jan kay nasar paron may
kahin honthoon pe shehron ki mehkti absharon may
chiragon se sajhi shamon may
ya benoor ratoon may
sehar ho ronma jese batoon hi batoon may
koi lipta howa ho jis tara
sandal ki khushbo may
kahin tittlion ke rang tasweeren banate hoon
kahin par jugno ki muthion may roshni khud ko chupati ho
kahi kesa hi manzar ho
kahi kesa hi mohsam ho
teri sari misalon ko
muhabbat yaad rakhti hay
^^Noshi gelani^^
