Har jagah pyaar ka jharnaa behtaa nahi hai
Patharon ko kabhi dard hota nahi hai
Yaadon ke bina kabhi ek pal beettaa nahi hai
Phir bhi kabhi koi paas hotaa nahi hai
Kitne jatan se rakhte hain kaante phoolon ko
Aor phool bante hain kisi aor ke gale ka haar
Phir bhi kaanton ka dil kabhi udaas hota nahi hai
Har sur-taal pe jhumne ko dehkte hai sapane
Phir bhi 'Radhaa- kishan' jaisa raas hota nahi hai
Log kehate hain ke bhool gaye hain sabkuch
phir bhi mere kaano ko yakeen hota nahi hai
tumhien bakhash di dil pe hukmarani aor kya dete
yehi thi bus hamari raj dhani or kya dete
sitaron se kisi ki mang bharna ek fasana hai
tumhare naam likh di zindgani or kya dete
bichadte waqt usko ek tohfa dena tha
hamare pass tha ankhon mein pani or kya dete
shararat na hoti shikayat na hoti
nayano me kisi ke nazakat na hoti
na hoti bekarari na hote hum tanha
jo jahan me kambakht mahobat na hoti
na hote ye sapne ye khwabo ki duniya
kisi ko chahat ki tamanna na hoti
na zulfo ki chhaya na phoolo ki khushboo
yado me unki yu rate na katti
jo na hoti mahobat ye ansu na hote
dil bhi na khota aaj tanha na rota
majnu si apani ye halat na hoti
jo jaha me kambakht mahobbat na hoti
wo roye to bahut par mujhse muh mod ke roye
bade majbur hai shayad wo jo dil tod ke roye
mere saamne karke meri tasveer ke tukde
pata laga baad me uneh hi jod ke roye
ankho me aansu ki chamak aaj bhi hai
usko mere pyar ki tadap aaj bhi hai
naav me baith kar dhoye the haath usne
samadar me mehendi ki mehak aaj bhi hai
TUTE HUE PAIMANE ME KABHI JAAM NAHI AATA
ISHQ KARNE WALO KO KABHI AARAM NAHI AATA.
YEH TO EK KHUDAI HAI, JO UMAR BHAR KARNI HAI
ISHQ KI RAH ME KABHI KOI MUKAM NAHI AATA
AAJ PEENE PILANE KI BAAT RAHNE DE SAKII
AAJ TO HUM DARD-E-DIL SUNANE AAYE HAIN
HUMNE EK DARD PAYA TO MAIKHANE AA GAYE
TU YAHI REHTI HAI BATA KITNE DARD PAYE HAIN
Thame huye pani me bhi ab jaane se dar lagta hai
Khule aasmaan me bhi jaane se dar lagta hai
Kabhi sunate the yaron ko ham bhi kisse mohabbat ke
Ab to Ishq ke dhai akshar gungunane se dar lagta hai
mitti ka jism leke pani ke ghar me hu
manjil hai maut meri
main har pal safar me hu
hona hai qtal ye malum hai muje
lekin khabar nahi kiski najar me hu
kabhi aansu to kabhi khusi bechi
hamne akelepan me tanhai bechi
chand saanse hai kharidne ke liye
roj marti hui zindagi bechi
satane lage jab mujhe mere hi saye
pareshan hoke maine roshani bechi
ek ham hi the jo khud hi bik gaye
varna logo ne to zindagi bechi
Na jaane kyun hamein aansu bahana nahi aata
na jane kyun hale-e-dil batana nahi aata
kyun saathi bichhad jate hain hamse
shayad hamein hi saath nibhana nahi aata
kyu rakhu ab apni kalam me sayahi
jab arman koi dil me machalta hi nahi
na jane kyu sabhi shaq karte hai mujhpe
jab koi sukha phul meri kitab me milta hi nahi
kashish to bahut thi mere pyar me magar kya karu koi pathar dil pighalta hi nahi
agar khuda mila to usse apna yaar mangunga
magar suna hai wo kisi se milta hi nahi
Kabhi usse bhi meri yaad satati hogi
Apni aankhon mein mere khawaab sajati hogi
Wo jo har waqt khayaalon mein basi rehti hai
Kabhi to meri bhi socho mein kho jaati hogi
Wo jiski raah mein palkein bichhi rehti hai
Kabhi mujhe bhi apne paas bulati hogi
Labon par rehti hai wo har pal hansi bankar
Tasawar se mere, wo bhi muskuraati hogi
Wo jo shaamil hai mere geet mere naghmo mein
Kabhi tanhai mein mujhko gun gunaati hogi
Jiske liye mera dil beqaraar rahta hai
Mere liye apna chain bhi gawanti hogi
Jisse izhaar-e-wafa har pal karna chahoon
Kabhi iqraar to wo bhi karna chahti hogi
Jiske liye meri har raat hai karwat karwat
Kabhi to use bhi neend na aati hogi
Jiski ulfat ki shama se hai mera dil roshan
Meri chahat ke wo bhi deep jalati hogi
Ghame-e-firaaq mera hi muqadar hai ya phir
Meri judaai use bhi yuhi rulati hogi
Kroge fariyad guzre zamane ko
tarsoge hamara saath ek pal bitane ko
phir awaaz doge hamein aane ko
hum kahenge darwaja nahin hai kabar se bahar aane ko
Na Bite Din Na Gujari Raat
Ye Kaisa Hai Lamha Saath
Jab Aaye Yaad Huyi Barsat
Kahin Doob Gaya Apna Pyar
Aate Ho Tufa me Baste Ho Tanha Me
Dil Dhundhe Tum Ko Sapno Me
Ise Tod Diya Kise Apno Ne
Na Bite Din Na Gujari Raat
Ye Kaisa Hai Lamha Saath
Dil To Hai Deewana
Hai Kya Is Ko Samjhana
Bhulega Ye Apna Naam
Bas Yaad Rahe Kal Ki Shaam
Na Bite Din Na Gujari Raat
Ye Kaisa Hai Lamha Saath
Dekha Hamne Sapna
Samjha Sab ko Apna
Ab Puch Raha Hai Veerana
Kya Paaya Ban Ke Deewana
Na Bite Din Na Gujari Raat
Ye Kaisa Hai Lamha Saath
Jab Aaye Yaad Huyi Barsat
Kahin Doob Gaya Apna Pyar
ab to tasalli bhi bujh bujh ke aane lagi hai
sardiyan kyun mera daman jalane lagi hai
jis ka asra le kar hum ghar se nikle the
ab usi ki aas kyun dagmagane lagi hai
phoolon ki chaah mein hum kanto se nibhane lage
ab vohi chhah mera khoon jalane lagi hai
zamana to hamesha farak mein raha hai
khush ho jaye ke voh ab ladkhrane lagi hai
Hum the khayaale yaar thaa
Bas aur kuch na thaa
Ek ujadaa huaa dayaar thaa
Bas aur kuch na thaa
Andaaj gunehgaar thaa
bas aur kuch na tha
Aawaargi pe waar thaa
Bas aur kuch na thaa
Rishta tutne ki kagaar par khadaa thaa
Phir bhi dil kisi aahat ka talbgaar thaa
bas aur kuch na thaa
ASHKON KO HUMNE KAYI BAAR ROKA
PHIR BHI NA JANE KYON ANKHE DHOKA DE GAYI
BHAROSA TO THA HAME APNE AAP PAR MAGAR
UNKA ZIKR AATE HI NAA JANE KYON PALKE NAM HO GAYI
gum mila iss kadar ki ghabra ke pee gaye
thodhi mili khushi mila ke pee gaye
hum nahi the iss kadar peene ke aadi
sharab ko tanha dekha to taras kha ke pee gaye
