1. Forums
  2. Poetry Cafe (URDU)
  3. shair main sey kisi bhi lafz sey shair

shair main sey kisi bhi lafz sey shair

16715 views 283 replies
Reply to Topic
hawwa ki beti

Age: 124
Total Posts: 273
Points: 0

Location:
,
aslam o alaikum to janubaba family
aik topic start kar rahi hoon,
shair main sey kisi bhi lafz sey apney shair ki ibteda karain
for example ;;
ghulami main na kaam aaein tadbeerain na taqdeerain
jo ho zoq e yaqeen paida to katt jati hain zanjeerain
is shair main sey aik lafz select kar rahi hoon
jati[ sey shair hai];;

dil sey daikhi nahin jati khamoshi ghar ki
kis tarha ujrha hua shehar gawara hota

so lets play waiting 4reply.................hkb
Posted 20 Nov 2005
QUEEN VICTORIA says
december

yeh sall bhi udaas raha rooth ker gaya
tujh say milay baghair december guzar gaya
Posted 18 Mar 2006
Ashii says
yeh december pe itne sher kyun hote hein yarr



le chala jaan meri RUUTH k jaana tera
aise aane se to behtar tha, na aana tera
(Daag)
Posted 18 Mar 2006
* jal-pari* says
muntazir kis ka hoon tooti hoi dahleez pe main
kon aye ga yahan , kon hai aney wala ????
Posted 18 Mar 2006
simple_si_life says
tujh bin kese shaam keroo..
tujh bin kese raat keroon...
tum ne poocha udasi ka sabab
bolo konse dukh ki baat keroon
Posted 18 Mar 2006
QUEEN VICTORIA says
dukh

dukh sab kay mushtarik thay magar hoslay juda
koi bikher gaya, to koi muskura diya
Posted 20 Mar 2006
hawwa ki beti says
dukh

koi rasta to ho aankhon ko dukh main paar lagne ka
samandar dey rahey ho to kinara kyon nhin detey
Posted 24 Mar 2006
Ashii says
ussi ka hai sahil, ussi k kinaare
talatum mei phans kar jo do haath maare
andheri fiza saans leta SAMANDAR
yuun hi sar patakte raheinge yeh dhaare
Posted 24 Mar 2006
hawwa ki beti says
ussi ka shehar wohi muddaai wohi munsif
hamain yaqeen tha hamara qasoor niklay ga
Posted 25 Mar 2006
simple_si_life says
yaqeen muhkam amal peyhum muhabbat fateh-e-alam
jahad-e- Zindagani hai merdoon ki shamsherein
Posted 25 Mar 2006
hawwa ki beti says
mohabat

mohabat kay liay luchh khaas dil makhsoos hotey hai
yeh woh naghma hai jo har saaz peh gaya nahin jata
Posted 28 Mar 2006
QUEEN VICTORIA says
dil

saadagii par us kii mar jaane kii hasarat dil main hai
bas nahin chalataa ki phir Khanjar kaf-e-qaatil main hai

dekhanaa taqariir kii lazzat ki jo usane kahaa
mai.nne yah jaanaa ki goyaa yah bhi mere dil main hai
Posted 01 Apr 2006
new_beau says
Tum meray Paas hotay ho GOYAA
Jub koi Doosra Nahin hota
Posted 01 Apr 2006
QUEEN VICTORIA says
koi

ye ab khulaa hai ki koi bhi manzar meraa na thaa
main jis men rah rahaa thaa vahii ghar meraa na thaa

main jis ko ek umr sambhaale phiraa kiyaa
miTTii bataa rahi vo paikar meraa na thaa
Posted 03 Apr 2006
new_beau says
GHAR

Meray Khuda Mujhay itna tou Moa'tber ker day
Mainn Jis makaan mainn rehta hoon uss ko ghar ker day
Posted 03 Apr 2006
Ashii says
deevangi e shauq ko yeh dhunn hai inn dino
ghar bhi ho aur be-dar o deevar sa bhi ho
juz dil koi MAKAAN nahi dahar mei jahan
rahzan ka khauf bhi na rahe,,, darr khula bhi ho

(iss ki 3rd line mujhe samajh nahi i )
Posted 03 Apr 2006
new_beau says
INN DINO

Zabt ki Daulat Hamaaray Haath Aayee hay
Bara Mukammal Apna Gareebaann hay Inn Dinonn

by rizwan ashar
Posted 04 Apr 2006
QUEEN VICTORIA says
hai

mujh ko dushman ke iraadon pe bhi pyaar aataa hai
teri ulfat ne muhabbat meri aadat kar di

puuchh baiTha huun main tujh se tere kuuche ka pata
teri haalat ne kaisi teri surat kar di
Posted 08 Apr 2006
new_beau says
Lagti nahin hay khoob koi baat in dinonn
achhay nahin hainn mulk kay Halaat in dinonn
Posted 08 Apr 2006
QUEEN VICTORIA says
baat
baat niklay gi to phir door talak jaye gi
log bay wajha udasi ka sabab poochhain gay
Posted 08 Apr 2006
new_beau says
LOG

Chahat mainn kiya Duniya Daari, Ishq mainn kaisi Majboori
Logonn ka kya, samjhaanay dou, Unn ki Apni Majboori

Posted 08 Apr 2006
hawwa ki beti says
MAIN

nafraton kay teer kha kar doston kay shehar main
hum ney ney kis kis ko pukara yeh kahani phir sahi
Posted 09 Apr 2006
new_beau says
Kis nay kaha tha meri Kahani Talaash ker
Ja, Ab meray lehjay kay Maa'ani talaash ker
Posted 10 Apr 2006
QUEEN VICTORIA says
talaash

agar talaash karuun koi mil hi jaayegaa
magar tumhaari tarah kaun mujhe chaahegaa


tumhein zaruur koi chaahaton se dekhegaa
magar vo aaNkhein hamaari kahaaN se laayegaa


Posted 10 Apr 2006
hawwa ki beti says
talaash

Main dhoondta hoon woh khizaan jisey gulshanon se pyaar ho
Jisey kisi charaagh se na bair ho, mujhe uss hawaa ki talaash hai
Posted 11 Apr 2006
new_beau says
Dil Dhoondhta hay phir wohi fursat kay raat din
Baithay rahainn Tasawur-e-Jaanaann kiyey huwe
Posted 11 Apr 2006
QUEEN VICTORIA says
phir


phir vahii maa.Nge hue lamhe, phir vahii jaam-e-sharaab
phir vahii taariik raato.n me.n Khayaal-e-maah_taab

Posted 12 Apr 2006
new_beau says
"Khawb mainn na aaye, shayad aap hi aa jaye
Hijr ki raatonn mainn hum soya nahin kertay
Posted 12 Apr 2006
QUEEN VICTORIA says
SHAYED khushi ka dour bhi aa jaye aey nadeem
ghum to mil gaya hai tammanna kiye baghair
Posted 18 Apr 2006
new_beau says
"Guzar tou jaye gi teray Baghair bhi lekin
Bari Udaas, Bohat Bay Qaraar Guzray gi"
Posted 18 Apr 2006
QUEEN VICTORIA says
palak bhii jhapakate ho "Makhmoor" kyuu.N
tamaashaa BOHAT muKhtasar hai yahaa.N
Posted 19 Apr 2006
Reply to Topic
Categories Introductions Freedom of Speech Religion Songs and Lyrics Talk Professions / Education Poetry Cafe (URDU) Sentiments Rendezvous (aka Request, service center, Help Desk) Teen Talk Idiotic Topics (Trash Bin) Poetry Cafe (English) JB SOCIAL CLUB Love and Romance Serious Corner Road Trips / OffRoad / Vacations Sports Talk Bollywood Trash Bin ForeignWood Cool/ Classic/ Amazing/ Artistic Pictures Gaming Zone Funny Phix!/JOKES/Topics Box Lollywood JB IT Solutions Advertisment

Search Forum

e.g. help, think, fair enough