1. Forums
  2. Poetry Cafe (URDU)
  3. ~ -- SALL’s Corner -- ~

~ -- SALL’s Corner -- ~

31643 views 877 replies
Reply to Topic
Ashii

Age: 124
Total Posts: 31001
Points: 0

Location:
France, France
if u like nice poetry.. u r at the rite place

believe me.. my choice isnt bad
i ll post nice poems.. ghazals.. lyrics and wotever i find intersting..
i samajhhh ?¿
hmmmmmmmmmmm.. GOOODDDDDD.. and now and WAIT
Posted 20 Nov 2003
QUEEN VICTORIA says
Terii Khushbuu kaa pataa karatii hai

mujh pe ehasaan havaa karatii hai
shab kii tanhaa_ii me.n ab to aksar

guftaguu tujh se rahaa karatii hai
dil ko us raah pe chalanaa hii nahii.n

jo mujhe tujh se judaa karatii hai
zindagii merii thii lekin ab to

tere kahane me.n rahaa karatii hai
us ne dekhaa hii nahii.n varnaa ye aa.Nkh

dil kaa ehavaal kahaa karatii hai
beniyaaz-e-kaaf-e-dariyaa angusht

ret par naam likhaa karatii hai
shaam pa.Date hii kisii shaKhs kii yaad

kuuchaa-e-jaa.N me.n sadaa karatii hai
mujh se bhii us kaa hai vaisaa hii suluuk

haal jo teraa ana??? karatii hai
dukh huaa karataa hai kuchh aur bayaa.N

baat kuchh aur huaa karatii hai
abr barase to inaayat us kii

shaaKh to sirf duaa karatii hai
masalaa jab bhii uThaa chiraaGo.n kaa

faisalaa sirf havaa karatii hai



Posted 08 May 2004
QUEEN VICTORIA says
Who Pehli Mulaqat

Who Pehli Mulaqat Beterteeb Se Hui
Lab Pe Jhijhak ke Tale Aur Karni Thi Guftagu

Alfazoon Ki Adaigi Kuch Istarah Hui
Ik Dosre Se Bichad Gay Hoke Beaabroo

Rehne Ki Hosh Main Kari Koshish Toh Bohat Thi
Badle Main Her Sawal Chida Aur Hi Mozoo

Kerne Ko Kharch Toh Bohat Tha Jaib Main Magar
Hai Unke Dil Main Kia Thi Bechaini Se Justaju

Hasil Wasool Kuch Nahua Yaad Hai Mager
Who Muskurake Deikhte Thy Hum Ko Rubaroo

Posted 08 May 2004
QUEEN VICTORIA says
Main Ne Socha Tha,



Aaj Aap Ayen Gey

Tu Roo Doonga
Aap Poochen Gey
Tu Sab Haal Keh Donga
Keh Doonga K
Kitne Din Howe Hain Soya Nahi
Wo Konsi Bhool Hai Jo Hoi Nahi
Kitab Firdge Mein
Shelf Mein Glass Rakha
Pir Ka Din Tha
Khat Mein Jumeraat Likha
Dost Se Shikhwa Karna Tha
Use Sipas Likha
Tv Par Geet Tha Azaan Nahi
Mein Ne Chonk Kar Sir Par Topi Orhi
Kia Haal Kar Diya Hai Mera
Mujhe Kise Kaam Ka Na rakha
AUR
Jab Aap Ne Aa Kar Poocha
Tu Bas Mein Itna Hi Keh Saka
K Mein Theek Hoon
Posted 08 May 2004
QUEEN VICTORIA says
Jab bhi aate hay wo mayray dehaan main
Phool rakh jate hay roushan daan main
Ghar kay baam o dar naye lagnay lagay
Husan aisa tha meray mehmaan main
Tera chehra Aaenay kay saamnay
Or Aaena naye Imkaan main
Aks teray,tayri khushboo ,teray rang
Bas yehi kuch hay meray samaan main
Jisim o jaan ko taaza mousam mil gaye
Jal gaya main teray Aatish daan main
Aandhiyoon main bhi uraata hay mughay
Koun hay ye meray jisim o jaan main
Jan darakht Angnaaye kay jalnay lagay
Dhoop utar aaye meray dalaan main
Tittliyaan kamray kay under Aagyen
Aik phool aisa bhi tha gul daan main
Aajnabi khuwaboon ka soorat gar hon main
Or main gum hoon teyri pehchaan main
Posted 08 May 2004
QUEEN VICTORIA says
bhool jana chahta hoon

Usay main bhool jana chahta hoon
suno main muskurana chahta hoon

dukhi rehnay ki adat ho gayi hai
magar ab gungunana chahta hoon

puranay sab taluq toor kar ab
nayi dunya basana chahta hoon

woh nazmain paoon say lipti hain lekin
main un say jaan churana chahta hoon

woh sab tohfay woh sokhay phool saray
main ab un ko jalana chahti hoon

main utna pass ati hoon tumharay
main jitna door jana chahta hoon

mairay hamdam haqeeqat hay yeh mairi
main teray pass ana chahta hoon

ubharnay ki koi khawahish nahi hay
kay main ab doob jana chahta hoon
Posted 08 May 2004
QUEEN VICTORIA says
NA KAM HASRATOON KAY SIVA KUCH
                           NAHEEN RAHA
Na kam hasratoon kay siva kuch naheen raha
dunia main ab dukhoon kay siva kuch naheen raha

ik umar ho gayee hai kay dill ki kitab main
kuch khushk pattion kay siva kuch naheen raha

yadaian kuch is tarha say samaat pay cha gayeen
pichlee rafaqatoon kay siva kuch naheen raha

lab see lia to apnay hi kamray main youn laga
khamosh aayino kay siva kuch naheen raha

jazbay tamam kho gayay lamhoon ki dhool main
ab dill main dharkanoon kay siva kuch naheen raha
Posted 08 May 2004
QUEEN VICTORIA says
faslay asay bhi hon gay ya kabhi socha na tha
samnay betha tah meray or wo mera na   tha
wo kah kushboo ki terha pehla tha meray char soo
main usay mahsoos kersakta tha na tha
raat ber pechli se aahat kan main aati rahi
jankk ker dekha galli main koi aaya na tha
aj us nay derd bhi appnay alydha ker liya
aj main rooya to sath wo rooya na tha
ya sub werraniyan us kay judda honay say thi
annkh dundli hoi thi saher dundliya na tha
yadd ker kay or bhi takleef hoti thi adeem
bhool janay kay sewa abh koi chaara na th
Posted 08 May 2004
QUEEN VICTORIA says
Hote Hain Kyon Do Dil Juda.

~*~*~*~*~*~*~*~*~*~*~*~*~*~*


Mein Sochta hoon Janne Kyon

Saare Deewane Pyaar Ke

Ik Din Juda Hojate Hain

Dil Jeet Ke Jaan Haar Ke

Duniya Kee Kyon Yeh Reet Hai

Jab IshQ Khud Hi Hai Khuda

Hote Hain Kyon Do Dil Juda.
Posted 08 May 2004
Ashii says
kya aise kam sukhan se koi guftugu kare
jo mustakil sukoot se dil ko luhu kare..

ab to humein bhi tark e marasim ka dukh nahi
par dil yeh chahta hai k agaaz tu kare..

tere bager bhi to ganeemat hai zindagi
khud ko ganwa k kaun teri justuju kare..

ab to yeh aarzu hai, woh zakhm khaiye
ta-zindagi yeh dil na koi aarzu kare..

chup chaap apni aag mei jalte raho FARAZ
dunya to arz e haal se be-abru kare..
Posted 09 May 2004
QUEEN VICTORIA says
Mujhe kabhi kabhi...
Mujhe kabhi kabhi ye khayal aata hai
Ke koi hai jisey mujh per bhi piyar aata hai.

Mera her gham uss ko lagta hai apna
Meri har khusi pe uss ko qarar aata hai

Phir janey kiun woh kehne se darti hai
Aisa janey kia uss ke mann main khayal aata hai

Ankhon se aqsar iqrar karti hai
Kiun honthon per har baar inkar aata hai

Sochta hoon main hi kehe doon.woh jo kehe na saki
Lekin phir na sunn kar bicharne ka khayal aata hai

Chalo acha hai hastey hastey hi main chala jaon ga
Ke shayed koi hai jisey mujh per bhi piyar aata hai.


Posted 10 May 2004
QUEEN VICTORIA says
aik dar
tum meray
ithnay passs ho kay
main jabh bhi
chaoon tumhay cho kay
dekh sakhti hoon
tumhay cha sakhti hoon
tumhay mhesoos kar sakhti hoon
par darti hoon
kay(kahin meray chotay hi yea
manzar bigar na jayeeeeee
or main..........

Posted 10 May 2004
QUEEN VICTORIA says
HAMARI TARHA TUM KO CHAHY GA

Agar talash karo to mil hi jaye ga
Magar kon hamari tarha tum ko chahy ga

Tumhein zaroor koi chahtoon say dekhay ga
Magar woh ankhein hamari kahan say laye ga

Tumharay sath yeh mosam gulabon jaisa hai
Tumharay baad yeh mosam bohat rulaye ga

Posted 10 May 2004
SanaSana says
very nice.....
Posted 12 May 2004
QUEEN VICTORIA says
Sham k muntazir thay or rat ho gai

Sham K muntazir Thay or rat ho gaiy
Na jane kab ansoo ki barsat ho gaiy

Main kaha tah kabil k koi pooche
Youhi zindagi tamam ho gaiy

Kaha tak chaloo ga ese hi sochoo
Mohabbat ka kon hasil tha

Na hi hum ko is se chaht thi
Par kab kese wo ilzam ho gaiy

Mera muntazir abb sawera nahi
Abhi chalna baqi tha k sham ho gaiy

Hum saba ko kese bhool jaye bolo
Jis k ane se lashaoori aam ho gaiy

Main khizan se nikal aya tha magar
Wo daghe- khiza hi humara nam ho gaiy

Mojhay bhool jao yeh momkin hai
Shayad yeh nazr ab badnam ho gaiy


Posted 12 May 2004
QUEEN VICTORIA says
Jab kabhi tumhein......

Tumhain jab kabhi milain fursatain meray dil say boojh utar do
main buhat dinoon say udas hoon mujhay aik sham udhar do

mujhay apnay roop ki dhop do kay chamak sakain meray khadokhal
mujhay apnay rang main rang do mera sara zang utar do

kisi aur ko meray hal say koi gharz hay na hi wasta
meray dil pay hath rakho zara meri dharkanoon ko qarar doo

tumhain subha kaisi lagi kaho meri khawahishoon kay dayar ki
jo bhali lagay to yahi raho isay chahtoon say nikhar do

wahan ghar pay kaun hay muntazir kay ho fikr der swair ki
bari mukhtasir si yeh rat hay isay chandni main guzar do

koi bat karni hay chand say kisi shakhsar ki aut main
mujhay rastay main yahin kahin kisi kunj-e-gul main utar do


Posted 12 May 2004
QUEEN VICTORIA says
WOH DIL HI KYA

Woh Dil Hi Kya Jo Tere milne Ki Dowa NaKare
Mein Tujhko Bool Kar Zinda Raho Khuda Na Kare

Rahe Ga Tera Pyaar Zindagi BanKar
Yah Aur Baat Ha Mari Zindagi Wafa Na Kare

Yah Such Hai Nahi Marta Kohi Judahi Mein
Khuda Kisi Se Kisi Ko Juda Na Kare
Posted 12 May 2004
QUEEN VICTORIA says
kaise karain gila kaise karain shikayat
lab kholte hai to dar samehsos hota hai
dosti main bhi itni ajnabiyat
ye sonchte hain to dar sa mehsos hota hai
faslay jo barh rahain hain darmiyan
in faslon se dar sa mehsos hota hai
main kaise pochun tum se na milne ki waja
mujhe to tumharay jawab se dar sa mehsos hota hai
main ne tum se dosti hi nahi mohabat bhi ki hai
ay dost ab to is sach se bhi dar mehsos hota hai
main to dosti nibhaongi her dam wafa
tum chod do dosti is baat se dar sa mehsos hota hai
Posted 12 May 2004
QUEEN VICTORIA says
*jo meri ankhon se khowab dekho
to ek shab bhi na so sako ge
laakh chaho na hans sako ge
hazar chaho na ro sako ge.



*kal sham us se milne ki khuhesh bhi taiz thi
dil bhi udas tha barish bhi taiz thi.



kisi manoos lamhe main,
kisi manoos chehray se,
mohabat ki nahi jati
mohabat hojati hai.



*ahat si koi aye to lagta hai ke tum ho,
saya sa koi lehraye to lagta hai ke tum ho.
Posted 12 May 2004
QUEEN VICTORIA says
kushboo hai chandini hai koi mehtab hai
mujh ko mila jo shakhs bada lajawab hai



*hum se mohabat ki nomaish na ho saki,
haan magar itna jante hai ke tumhain chahate hai bohat.



*mere lehje main ghoror aya tha us ka haq tha ke sikayat karta,
aur us se na rahi koi talab bas mere pyar ki izat karta.


*umr ek aysi hoti hai ke jis main dil ko
her baat achi lagti hai haqiqat ke siwa.
Posted 12 May 2004
QUEEN VICTORIA says
TUJHE MEHSOOS KIYA....





Baharon main ghataon main tujhey mehsoos kiya
Jeewan ki rahoon main tujhey mehsoos kiya

Jab bhi barasnay lagin yeh piyaasi ankhin
Main ne in nigahoon main tujhey mehsoos kiya

Meri sansoon main rahi teray khiyaal se hulchal
Dil ki panahoon main tujhey mehsoos kiya

Khushboo hi khushboo bikher gai her sou
Main ne in hawaoon main tumjhey mehsoos kiya

Din k ujaloon main tujhey mehsoos kiya
Raat ki banhoon main tujhey mehsoos kiya



Posted 14 May 2004
QUEEN VICTORIA says
~*~SHAB K SAYEY~*~

Sham Dhaltey Hi Chiraghon Ko Jala Layta Hoon
Yun Teri Yaad Main Her Roz Mana Layta Hoon

Tasavraat Ki Mehfil Main Saja Ker Akser
Teray Aany Ka Jashan Main Khud Hi Mana Layta Hoon

Jab Kabhi Peeta Hoon Gham-e-Doran Ka
Main Paymana

Teri Tasveer Nighaon Main Sajja Layta Hoon
Khuda Karey Koi Ruswa Na Ho Muhabbat Main Kabhi

Akser Is Dua Pay Hathoon Ko Utha Layta Hoon


Posted 14 May 2004
QUEEN VICTORIA says
IK TERA EHSAS HAI..!

Ek Tera Ehsas Hai

Jo Her Waqat Meray Saath Hai

Ik Teri Yaad Hai

Jo Din Raat Mujhey Terpaati Hai

Ik Umeed Hai Teray Aany Ki

Apna Tujhey Banany Ki

Na Chain Hai Na Sakoon Hai

Yeh Kesa Mera Hall Hai

Raaten Ho Gai Hain Itni Lambi

Jo Kaatey Nahin Kattin

Na Bhook Hai Na Piyas Hai

Na Koi Aas Hai Na Koi Paas Hai

Bas Ik Tera Ehsas Hai

Jo Her Waqat Meray Saath Hai...!!!

Posted 14 May 2004
QUEEN VICTORIA says
Ghazal

Agli gali mey rehta hai

Aur milnay tak nahi aata hai

Kehta hai takkalluf kya kerna

Hum tum mey tow dil ka nata hai

Kehta hai ziada milnay se

Wadoon ki khulush berh jaye gi

Kuch baatein wakt pe bhi choro

Dekho tow wo kya dikhlata hai

Kehta hai tumhara dosh na tha

Kuch hum ko bhi aisa hosh na tha

Phir husta hai phir roota hai

Phir chup ho ker reh jata hai

Ae bucho ! ae husnay walo !

Tareekh-e- mohabbat perh daalo

Dil waloon ke dil per qaid nahi

Her umr mey thoker khata hai





Posted 14 May 2004
QUEEN VICTORIA says
Barishon ke mosam mey





Di bohut hee derta hai baarishon ke mosam mey

Tum ko yaad kerta hai baarishon ke mosam mey



Saans julnay lagti hai khaab ki hararat se

Wakt kam guzerta hai barishon ke mosam mey



Aasman se dherti per abr-o-baad ki sorat

Aik sukoon uterta hai baarishon ke mosam mey



Mubtilaye hijer ko jub teri yaad aati hai

Serd aahein bherta hai baarishon ke mosam mey



Chaar hu mehek phelay rung rung pholon ki

Her shajar nikherta hai baarishon ke mosammey



Tum abhi tuk akelay koi mujh se ab

Ye sawaal kerta hai barishon ke mosam mey
Posted 14 May 2004
Shararti says
Kya baat hai Queen Jee..!!
Posted 15 May 2004
QUEEN VICTORIA says
Guzray hoay zamanay k baad bhi
Dil main raha wo chor k janay k baad bhi

Pehloo main reh k dil nai diyey hain boht fareb
Rakkha hai yaad uss ko bholanay k baad bhi

Qurbat k baad aur bhi qurbat ki talash
Dil mutmaeen nahi teray anay k baad bhi

Gou To yahan nahi hai,mager tou yaheen hai
Tera hee ziker hai teray janay k baad bhi

Lagta hai kuch kaha hee nahi usay Adeem
Dil ka tamam haal sunanay k baad bhi

              Adeem Hashmi
Posted 15 May 2004
QUEEN VICTORIA says
*~~*kachay dhaagay kachay rung*~~*



tum ne he kaha tha keh

apne dukh mujhe de do

aur is ke badlay mein

mere saaray sukh le lo



tum ne hee kaha tha

zindagi ke gulshan mein

phool jo bhi khiltay hain

saari khushiyaan tum se hain

jo husn ka qareena hai

jo ishq ka safeena hai

meri her khushi ho tum

balkih zindagi ho tum



kaash ! tum yeh na kehtay

kaash ! tum chup rehte



ya phir yeh na kaha hota**



mein tou eik rasta thi

mein eik aisa jazba thi

jis se khush huay thay tum

eik lamha , eik pal,

kis kadar faraib tha yeh



kachay dhaagay ka rishta **

kabhi bhi toot sakta hai **

tum ne kion kaha tha yeh ?
Posted 15 May 2004
QUEEN VICTORIA says
Yaadon Ko Apne Dil Se Mita Kyon Nahin Dete,
Jo Jaa Chuka Hai Us Ko Bhula Kyon Nahin Dete.

Mujrim Hoon Main Tera Mujhe Itna To Bata,
Khamosh Khade Ho Kyon Saza Kyon Nahin Dete.

Use Jis Ke Zakham Hain Inaayat Teri,
Gar Hai Tumhare Paas To Dawa Kyon Nahin Dete.

Kayee Ghar Nahin Baste Hain Jin Ki Vajah Se,
Un Adhjali Rasmon Ko Jala Kyon Nahin Dete.

Us Ne Tumhari Khaatir Kya Kya Nahin Kiya,
Tum Us Ki Wafaaon Ka Sila Kyon Nahin Dete.

Tumhein Mujh Se Mohabbat Hai Jaanta Hoon Main,
Ye Baat Apne Lab Se Bata Kyon Nahin Dete.

Anmol Khazana Hain Muskurahatein Teri,
Thoda Sa Ise Mujh Pe Luta Kyon Nahin Dete.

Wo Aag Jo Dil Mein Lagaai Thi Kabhi Tum Ne,
Wo Aag Aaj Khud Hee Bujha Kyon Nahin Dete.

Ek Arsa Hua Chain Se Soye Huye 'Sweet Friend'
Mera Chain, Meri Neend Lauta Kyon Nahin Dete.
Posted 15 May 2004
Guest_005 says
Malika Gazaliat.....Qurny ji ....
Posted 15 May 2004
QUEEN VICTORIA says
Ajeeb larki hoon





Ajeeb larki hoon khud ko jalana chahtee hoon
Mai khud ko rakh ker kaheen bhool jana chahtee hoon

Mere naseeb ki khushiyaan bhee kab mili mujh ko
Bas ab to umer bher aansoo bhana chahtee

hoon

Najanay kitni mohabbat hai ranj-o-ghum se mujhe
Koi bhee dard ho dil mai chupana chahtee

hoon

Baha baha k ye aasnoo bikhar chuki hoon bahut
Simat k zaat mai ab muskurana chahtee

hoon

Jisay eik umer dil mai chupa k rakha hai
Wo raaz aaj mai sab ko batana chahtee

hoon

Wahee hai yaad jo acha kaha hai logon ne
Baqi saaray sitam bhool jana chahtee

hoon

Mujhe zamanay ne pathar samjh liya hai mager
Mai eik larki hoon sab ko batana chahtee

hoon

Jo mujh se rooth chuki hain zamanay ki khushiyaan
To mai bhee un khushiyoon se rooth jana chahtee

hoon

Koi to ho jo lagaye mujhay seenay se
Kisi ko mai bhee apnay ghum sunana chahtee

hoon

Tu apnay dil k her eik dar ko khool day
Mai dard ban ker teray dil mai aana chahtee

hoon


Posted 17 May 2004
Reply to Topic
Categories Introductions Freedom of Speech Religion Songs and Lyrics Talk Professions / Education Poetry Cafe (URDU) Sentiments Rendezvous (aka Request, service center, Help Desk) Teen Talk Idiotic Topics (Trash Bin) Poetry Cafe (English) JB SOCIAL CLUB Love and Romance Serious Corner Road Trips / OffRoad / Vacations Sports Talk Bollywood Trash Bin ForeignWood Cool/ Classic/ Amazing/ Artistic Pictures Gaming Zone Funny Phix!/JOKES/Topics Box Lollywood JB IT Solutions Advertisment

Search Forum

e.g. help, think, fair enough